I Elessar

aus den NaME von J. R. R. Tolkien

übertragen in Quenya
von Katharina Golz

  Version zum Ausdrucken und Download

I Elessar als Soundfile zum Download (ca 4,3 MB)

Ondolindessë marnë i míretano Enerdhil, i ammára tano Noldoron apa Fëanáro firnë. Mellero ilyë laiquë nati yar tuianer ar lohtaner, ar alasserya analta në cenë i árë asilë terë i lassi aldaron. Ar hóneryanna tullë i sanwë carë mírë yassë avaleryaina i poica cálë Anaro, nan mauyanë i sarden laiqua vë lassi. Ar carnero sina sar, yann' i Noldor tirner alassenen. An quétina, quen i tirnë firini natinnar terë i sar, cennë sin envinyantë var nessimë; ar quen ya haryanë i sar maryatsen envinyatanë ilyë harwi yannar caitaneryë i lepseryar. Sina sar Enerdhil antanë Itarillen i yendë arano, ar colleres or hónerya; ar sin nes varna ustiell' Ondolindëo. Ar epë Itarillë lendë eärenna, quentë yondoryann' Eärendil: »I Elessar len anteanyë, an Endoressë nauvar naicelië harwi yar envinyatuvalyë. Nan ta áva anta quenen.« Ar anwavë ner rimbë harwi ataniva ar eldaiva envinyantë i londissen Siriono, yando harwi celvaiva yar nurtaner sina meness' i huinell' et Formello; ar anda lúnen yass' Eärendil marnë sina menessë, envinyatanerot ar palyanente, ar sinta lúmen ilya në laiqua ar vanima. Nan írë Eärendil lendë anda lelieryannar eär pella, collero i Elessar or hónerya, an ilyë lelieryassen oioharyanero estel atahirië Itarillë; ar anarinya sanwerya Endorëo në sina laiqua sar or hónerya ar Itarillë lírala caimaryass' írë Ondolindë në vanima. Sin vanwa i Elessar írë Eärendil úmë entulë Endorenna.

Hilyala randassen në vinya Elessar yo nyarnentë atta quentar; nan er i sailë queni yar avánier yárissen cé quétar ma quenta nyarna anwavë. An queni quetir i tatya sar er në i minya i enutúlië Valainen; ar quetintë sa Olórin (ya në istaina Mithrandir Endoressë) ta collë et númello. Ar minë auressë Olórin tullë Altariellenna i marnë sí nu tára Laiquatauro aldar, ar quententë andavë. An i loar Endoressë caitaner lungavë Noldoron herinna, ar mernerë hlarë nosseryo ar Amano, i nórë nostaryava, nan sí váquetina sen auta Endorë. Ar apa Olórin anyárië rimbavë súnerë, ar quenterë: »Naicë nyë quantëa Endoressë, an lassi lantëar ar lóti fírar; ar indonya nainëa enyálala aldar ar salqui yar umir firë. Marinyassë te haryuvan.« Apaquentë Olórin: »Ma cé haryuvalyë i Elessar?« Ar Altariel quentë: »Sí massë i sar Eärendilo? Ar Enerdhil vanwa ná, ya ta acárië.« - »Man polë ista?« quentë Olórin. »Tancavë icírientë eär pella«, Altariel quentë, »vë ilyë vanyar nati. Ma mauya Endoren oiofirë?« - »Sin ná umbarterya«, quentë Olórin. »Nan ai i Elessar na entuluva, sin nauva ammára sinta lúmë. Er sinta, tenna lúmë atanion utúlië.« - »Mára, ai - ar manen martuva?« maquentë Altariel. »An i Valar sí oantier, ar Endorë ná sanwentar pella, ar ilyë queni yar marir Endoressë nar nu lumbulë.« - »Sin umë«, apaquentë Olórin. »Hendi Valaron umir halyainë ar órentar umir sardë. Tengwen, á tirë sin!« Ar sen tananero i Elessar, ar cennerë i sardenn' alassenen. Ar Olórin quente: »Sin len antëanyë Yavannallo. Á carë sanen vë merilyë, ar sinta lúmen polilyë carë i nórë yassë marilyë nómë anvanya Endoressë. Nan úvalyë harya ta tennoio. Ta antuvalyë quenen írë i lúmë tulë. An epë nyérë lyë quantuva ar mettassë ciruvalyë et Endorello quen tuluva ya ta netuva, ar esserya nauva vë sina sar: Elessar nauva esserya.«

Tatya quenta equë: Yáressë, epë Sauron equétië furur i tanonnar Eregiono, Altariel tullë sina nómenn' ar quentë Telperinquárenna, i tanoron eldaiva cáno: »Naicë nyë quantëa Endoressë, an lassi lantëar ar lóti fifíruar yar mellenyë, sin i nórë yassë máranyë ná quanta nyérë ya úva vanwa coiressë.« - »Man nauva Eldain ai lá sin, ai avaleryainë Endorenna?« Telperinquar quentë. »Ma merilyë cirë eär pella?« - »Vá«, quenterë. »Angaráto oantië, Aicanáro oantië, ar Findaráto vanwa ná. Arafinwëo hínion nanyë i métima. Nan indonya tára ná. Man raica nat carnë i nossë Arafinwëo yan cé mauya nin maquetë Valaron apsenië var cé nauvanyë valin haryala tol eäressë, inyë, ya nóna almárëa Amanessë? Sinomë nanyë antaura.« - »Ar man merilyë mettassë?« maquentë Telperinquar. »Merin aldar ar salqui harë nin, yar umir firë - sinomë nórenyassë«, quenterë. »Man martanë carmen Eldaiva?« Ar Telperinquar quentë: »Sí massë i sar Eärendilo? Ar Enerdhil vanwa ná, ya ta acárië.« - »Icírientë eär pella«, quentë Altariel, »vë ilyë vanyë nati. Nan mauya Endoren oiofirë ar hesta?« - »Sin ná umbarterya, intyan«, quentë Telperinquar. »Nan istalyë sa lyë melinyë (nan melilyë Teleporno aldaron), ar sina melmen merin carë ya polin carë, ai carmenyanen naicelya cé pícuva.«

Nan úmero sen quetë sa nero Ondolindessë yáress' ar sa nero meldo Enerdhilo, nan meldorya në tano ammára. An ú Enerdhilo Telperinquar cé analta në. Sinen sananero ar moianero andavë ar terevavë; ar sin carnero Altariellen i analta ontaleryo (er enga i neldë cormar). Ar quétina i laiqua sar ya carnero në antereva ar ancalima lá i sar Enerdhilo, nan nárerya úmë valya sívë sina. An i sardess' Enerdhilo i nessa árë yáressëo calanë, írë Telperinquar mótanë carë sarderya; ar únómess' Endoress' i árë në poica sívë yáressë; hehtaina Moringotto cúmann' ar úmero polë entulë, nan haira lumbulerya caitanë Endorenna. Nan Elessar Telperinquáro mirillë; ar panyaneros alta ar telemna tancilenna cantaina vë soron ortala rámaryar palyala. Írë collerë i Elessar ilya harë Altariel në vanya, tenn' i huinë lantanë taurenna. Nan hilyala, írë Nenya, i minya neldë cormaron, sen antaina Telperinquárnen sen úmë mauya ta (vë intyanerë) ar antanës Celebríanen yenderya, ar sin tulles Arwendenn' ar Telcontarenna yo essë në Elessar.

  Der Originaltext in Deutsch